روايه عشق الزين الجزء الثاني كامله
هنا : مش عارف مالي ... تخرج تتعشى مع البت اللبنانية امبارح ومترضاش تاخدني معاك .
آسر : ياحبيبتي هو انا رايح اهزر معاها ... انا رايح في شغل ... وبعدين اخدك ازاي انتي بتبقي تعبانة من الشركة وبطنك المنفوخة دي ... وبعدين انا متأكد انك كنتي هاتبوظي الاجتماع .
هنا : تعبانة ايه ؟... وشركة ايه؟ ... انت بتخليني اشتغل؟؟ انت بتخليني ادخلك الورق اللي باخدو من السكرتيرة بوصل اوراق يعني .
هنا : اه كل بعقلي حلاوة .... بتقلق قال .
آسر : نرفوزة اوي انتي يا هنايا.
هنا بدلع : اوعى كدا انا زعلانة منك .... انا مبقتش هناك خلاص .
آسر : لا انتي هنايا وهتفضلي طول عمرى هنايا... بس وحياتي بلاش غيرتك دي ... انتي مطفشة نص العملا بتوع الشركة .
آسر باسها في خدها : يسلملي الغيران .
هنا : هتروح تتعشى مع البت اللبنانية تاني ؟.
اسر : لا خلاص هاكلف حد بالمهمة دي... المهم هنايا تبطل نكد عليا .
هنا :لا خلاص مفيش نكد ... يالا نروح بقا نغير هدومنا علشان عز .
آسر : واحشني الواد دا .
هنا بهمس : وانت كمان وحشتيني .
هنا : صح .. يالا.
*****************************
ليان شايلة بنتها وبتغني بصوت هادي : حبيبة امها ياخواتي بحبها ياخواتي ... ياخواتي .. ياخواتي بحبها دي حبيبة امها .
( عمر دخل عليها وابتسم لغناها الحلو ... ليان هادية وجميلة ومن وقت ما دخلت البيت غيرته وملته سعادة وفرح وكملته باجمل هدية فيروز الصغيرة ... راحلها واخد فيروز نايمها في سريرها ).
ليان بتعب : اه تعبانة اوي ... وكمان فيروز تعباني اوي الفترة دي .
عمر : مش عارف كانت هادية .. اتغيرت وبقت متعلقة بيكي اوي .
ليان : ماما بتقولي غيرانة علشان حملتي .
عمر بضحك : معقولة !!!..
ليان : معرفش بتقولي الاطفال بيحسو .
عمر : ممكن بس انا شايفك مش مقصرة بالعكس بتزودي اهتمامك .
ليان بدموع : اعمل ايه ... تعلقها بيا زاد وحسيت ان انا قصرت ... بس ڠصب عني الحمل دا غلطة .
عمر مسح دموعها : غلطة؟ ... لا قولي الحمد لله نعمة من عند ربنا .
ليان مسحت دموعها : الحمد لله ... يالا نغير علشان عز جاي .
عمر : بس قبل ما نروح .. هنروح لدكتورة .. شكلك مش عاجبني خاسة اوي .
عمر اخدها في حضنه : لما تحسي پألم قوليلي ... متكتميش جواكي يا ليان ... انا عاوز اشاركك كل حاجة حتى ألمك .
ليان : ربنا يخليك ليا عمر .... اتمنيتك جوزي وابو اولادي وربنا حققلي امنيتي .. انا عمري ما كنت اتمنى زوج ليا الا انت .
عمر : ولا انا عمري ما كنت اتمنى حبيبة واخت وام وصاحبة وزوجة الا انتي يا ليان .
*****************************
( سارة نايمة ومراد جنبها بيبصلها ... فتحت عيونها لقته قدامها ).
سارة بنوم: في ايه يا مراد .
مراد : مفيش .
سارة : لا فيه ... بتبصلي ليه ؟.
مراد : كل يوم وانتي نايمة اجاي اتحقق من ملامحك.... اشوفك هاتسيبني والا لأ .
سارة : كل مرة تقولي انسي يا سارة علشان نعيش ... والحقيقه انك انت اللي منستش .
مراد : في فرق يا حبيبتي ... فرق تأنيب الضمير اللي انتي بتحسيه وفرق اني بتأكد من وجودك معايا .
سارة : طيب يا مراد انا اهو معاك وخلاص مش هايبعدني عنك الا المoت .
مراد حضنها : بعد الشړ عنك يا روح قلبي ... ربنا يخليكي ويبارك فيكي ويباركلنا في يحيى ونعيش ونجوزه .
سارة : هو فين صحيح.
مراد : بيشرب عصير برا وبيتفرج على الكرتون .
سارة : يحيى دا احلى نعمة من عند ربنا ... مالي علينا دنيتنا .
مراد : من اول يوم شوفته فيه وانا حسيته ابني من صلبي .
سارة : عارف ليه علشان انا وانت اخترناه بقلبنا .... انا وانت جبناه وهو شهور وربناه وكبرناه سوا لغاية ما بقى عنده ٥ سنين .
مراد : ربنا يخليه لينا ويبارك فيكي ويكون هو وكاميليا سند لبعض .
سارة : كاميليا فاجئتني بحبها له .
مراد بمشاكسة : كاميليا طيبة وقلبها طيب زي ابوها .
سارة : وامها لا قلبها مش طيب .
مراد : هو اللي جايبني ورا غير قلبك ..
*****************************
زين قاعد وفي حضنه ادم ولي لي بيوريهم البوم صوره مع ليليان وصورة بابهم واعمامهم .
ادم : ايه دا يا جدو انت شعرك كان طويل .
زين بابتسامة : اممممم .
لي لي : بس انت حلو يا جدو .
زين باسها : انتي احلى يا روح جدو .
ادم : لا بس تيتة احلى .
زين : طبعا تيتة احلى واحدة في الدنيا دي كلها .
لي لي : بتحبها قد ايه ؟.
زين : قد كل حاجة كبيرة في دنيا دي .
ادم : انا بحب بابا وماما قد البحر .
لي لي : انا بحب بابا وماما قد السما .
ليليان جت عليهم مبتسمة : وانا بحبكو قد البحر والسما .
زين : كله وصل تحت يا ليليان .
ليليان : اه ... يالا يا لي لي انتي وادم انزلو وانا جدو هانيجي وراكو .
لي لي وادم : حاضر .
ليليان : مش يالا يا زين
