قاعده فالبلكونه كالعاده
وبالفعل عملت كده وجم اخدوه وروحت معاه المستشفى
دخلوه اوضة الكشف والدكتور وصل
فضلت قاعدة بره بتمشى في ممر المستشفى
شوفت الدكتور خرج من الاوضة اللي فيها سيف ف جريت عليه سألته
– ها يا دكتور هو كويس ؟
^ بس ياريت تبعديه عن اي حاجة تضايقه وارفعي من معنوياته شوية لان حالته النفسية مش كويسة ابدا
^ لان لو استمر يجيله انهيار عصبي كتير كده هيتحول من انهيار عصبي الي مرض نفسي وساعتها هيضطر يتعالج عند دكتور نفسي مختص
– طيب اقدر ادخله ؟
^ هو بقا احسن بكتير من شوية تقدري تدخلي طبعا
– تمام اشكرك
دخلت الاوضة وقفلت الباب جبت كرسي وحطيته جمب سريره
ف روحت حطيت ايدي على شعره وفضلت المس عليه بالراحة
– هو ايه اللي حصلك ما انت كنت كويس امبارح. انا مش عارفة اعمل ايه ؟
بعد ساعتين ….
بدأ يتحرك ف روحت سيبت ايده وقومت وقفت
فتح عيونه وبص حواليه وقال بضيق
= اوووووف هو انا جيت هنا تاني !!
– هو حضرتك جيت هنا قبل كده ؟
= ايوة شكلي مش هخلص من القر*ف اللي انا فيه
– ثواني بس طالما دي مش اول مرة تيجي هنا مين كان بيجيبك قبل كده المستشفى ؟
– طيب افرض كنت مشغول ومردتش عليه هيجيلك البيت برضو ؟
= لازم ارد عليه مهما كنت مشغول قد ايه. مصطفى ده صديقي من زمان بيخاف عليا شوية وهيجي هنا
= يارب. معقولة مش خوفتي مني لما كنت في الوضع ده ؟
– الصراحة خوفت وكنت همشي بس رجعت لان مكنش ينفع اسيبك
= بس كان بامكانك تتصلي على الاسعاف وياخدوني وتمشي بس انتي قعدتي لغاية ما صحيت. ليه ؟
معرفتش ارد بأيه ووحاولت اتهرب من سؤاله وقولت
– الدكتور كتب ادوية لحضرتك هنزل اجيبهم وبالمرة اجيب فطار
= لا لا متنزليش يمكن اللي اسمه أسر ده هنا او حد تبعه يشوفك خليكي هنا احسن
